Удзельніка шэсця на Дзень Волі затрымалі за адмову згарнуць сцяг

Сідарук Цімур адмовіўся пасля шэсця згарнуць бел-чырвона-белы сцяг і быў затрыманы міліцыянтамі.

Пра гэта ў «Твітэры» паведамляе ПЦ «Вясна».

Нагадаем, акцыя, прысвечаная Дню Волі, прайшла сёння ў Менску.

У мерапрыемстве, якое праходзіла пад нацыянальнымі і еўрапейскімі сцягамі, узялі ўдзел блізу 2 тысяч чалавек. Ад мітынгу арганізатары акцыі адмовіліся, заклікаўшы тых, хто сабраўся пасля заканчэння шэсця адзначыць свята ў барах і рэстарацыях.