Украінцы Варшавы павіншавалі беларусаў з Днём Волі
1- 25.03.2015, 21:01
- 5,023
У самым цэнтры Варшавы на будынку "Украінскага свету" з'явілася больш за дзесятак бел-чырвона-белых сцягоў.
Такім чынам украінцы Варшавы павіншавалі беларусаў з 97-й гадавінай абвяшчэння незалежнасці Беларускай Народнай Рэспублікі, паведамляе "Радыё Рацыя".
Старшыня арганізацыйнага камітэта "Еўрамайдан Варшава" Наталля Панчанка падкрэсліла, што такім чынам украінцы хацелі выказаць сваю падтрымку беларусам:
- Сёння ў Беларусі свята. Мы не маглі на гэта не адрэагаваць. І мы наважылі, што сёння наш Украінскі Дом у Варшаве будзе выглядаць крыху па-беларуску. Мы вывесілі віншаванне і беларускія бел-чырвона-белыя сцягі. Мы хацелі паказаць сваю падтрымку беларусам, як яны ўжо цягам года паказваюць сваю падтрымку нам.