«Серб» на Дні Волі выявіўся авантурнікам з Магілёва
22- 26.03.2015, 13:38
- 51,615
Правакатар на Дні Волі, які скардзіўся журналістам на ЕС, апынуўся авантурнікам з Магілёва.
Пра земляка даведаўся магілёўскі гурт Zatoczka.
Падчас акцыі на Дзень Волі адбыўся цікавы інцыдэнт. Два хлопцы прыцягнулі ўвагу журналістаў. Адзін гучна размаўляў па-беларуску і па-руску, пытаючыся, незалежнасць ад каго святкуюць людзі. Больш за ўсё яго абуралі сцягі Еўразвязу. Сам ён быў апрануты ў майку «Београдски Синдикат» - сербскага хіп-хоп гурту, папулярнага сярод футбольных фанатаў, якія прытрымліваюцца правых поглядаў.
Другі прадставіўся сербам, імітуючы сербскі акцэнт. Таксама наракаў на Еўразвяз, у якім няма працы. Магілёўскі гурт Zatoczka пазнаў у ім свайго земляка, якога ў горадзе ведаюць як «Грыша». Пасля такой рэкламы хлопец выдаліў сваю старонку ў сацыяльнай сетцы. Як пішуць некаторыя карыстальнікі сацсетак, у сваім горадзе хлопец падмануў некалькіх чалавек на грошы, паведамляе тэлеканал «Белсат».