Студэнт БДУІРа: Да нас на лекцыю ўварваўся дэкан і асабіста праверыў адсутных
14- 26.03.2015, 14:42
- 21,161
Колькасць удзельнікаў акцыі, прысвечанай Дню Волі, стрымлівалі штучна.
Чытач charter97.org Яўген напісаў абураны ліст у рэдакцыю.
«25 сакавіка прайшоў Дзень Волі, 97 гадоў таму была абвешчаная БНР. Гэта святочны дзень усіх беларусаў! А што адбываецца ў гэтае свята ў нас ва ўніверсітэце?
А 15:30 да нас на заняткі ўрываецца дэкан факультэта і асабіста правярае прысутнасць усёй групы! Пазней, у групе дэканата «Вконтакте» з'яўляецца паведамленне: «Студэнтам са спісу да пятніцы падаць у дэканат тлумачальныя запіскі з указаннем прычын адсутнасці на занятках!», - піша ён.
Нагадаем, учора ў цэнтры Менска адбыліся святочнае шэсце і мітынг, прысвечаныя Дню Волі. Акцыя была дазволеная гарадскімі ўладамі і прызначаная на вельмі нязручны для працаўнікоў і навучэнцаў час - 15:00. Ужо ўчора было вядома пра праверкі ў школах і ўніверсітэтах.