Для польскага прэзідэнта не знайшлі месца ў прэстыжнай рэстарацыі
13- 26.03.2015, 18:30
- 29,038
Шэф-кухар вядомай варшаўскай рэстарацыі адмовіўся прыняць Браніслава Камароўскага праз адсутнасць рэзервацыі.
Вядомая варшаўская рэстарацыя «Atelier Amaro» адмовілася прыняць прэзідэнта Польшчы Браніслава Камароўскага, паведамляе «Радыё Польшча».
Шэф-кухар рэстарацыі, Войцэх Мадэст Амара, у адным з інтэрв'ю распавёў, што аднойчы яму давялося адмовіць самому кіраўніку дзяржавы.
«Нам патэлефанавалі з канцылярыі прэзідэнта і спыталі, ці ёсць свабодны столік на сёння. Століка не было, я ж не мог скасаваць рэзервацыю людзей, якія чакалі сваёй чаргі больш за тры месяцы. Я зарэзерваваў столік для прэзідэнта на наступны тыдзень, аднак, ён не прыйшоў», - распавёў Амары.
«Atelier Amaro» - гэта адзіная рэстарацыя ў Польшчы, адзначаная ў адным з самых прэстыжных рэйтынгаў рэстарацый свету Michelin. Ніхто не можа трапіць у рэстарацыю, не зрабіўшы папярэдняй рэзервацыі. Часам свабодных месцаў у рэстарацыі трэба чакаць некалькі месяцаў.
Фотa: platine.pl