МЗС заклікае беларусаў не ездзіць у Емен
8- 28.03.2015, 12:02
- 6,026
Міністэрства замежных спраў Рэспублікі Беларусь рэкамендуе грамадзянам краіны ўстрымацца ад любых паездак у Емен.
Суайчыннікам , якія знаходзяцца там, варта выконваць максімальна магчымыя меры засцярогі і не наведваць месцы масавага збору людзей. Аб гэтым сайту charter97.org паведамілі ў прэс-службе МЗС.
У выпадку неабходнасці, паводле пытанняў экстранай эвакуацыі беларускія грамадзяне могуць звяртацца ў консульскую службу пасольства Расейскай Федэрацыі ў Емене.
Нагадаем, Саудаўская Аравія і яе саюзнікі ў ноч на 26 сакавіку, нанеслі авіяўдары па пазіцыях паўстанцаў-хусітаў у сталіцы Емена. Улады Саудаўскай Аравіі таксама абвясцілі, што мабілізавалі 150 тысяч вайскоўцаў для ўдзелу ў наземнай аперацыі на тэрыторыі Емена. Ці знаходзяцца ўжо якія-небудзь вайсковыя падраздзяленьні Саудаўскай Аравіі ў Емене, пакуль дакладна невядома.