Брытанскія ВПС правялі найбуйнейшыя за 13 гадоў вучэнні
3- 29.03.2015, 18:17
- 6,656
Брытанскія вайскова-паветраныя сілы правялі вучэнні ў адбіцці масіраванай атакі.
Мэтай вучэнняў Rising Panther ("Пантэра ў кідку") была адпрацоўка тэхнікі паветранага бою і праверка гатоўнасці да атакі праціўніка, піша The Sunday Times.
"Каралеўскія вайскова-паветраныя сілы пачалі серыю вучэнняў у адпрацоўцы паветранага бою для праверкі гатоўнасці да ўсякай "масіраванай атакі" праціўніка супраць Злучанага Каралеўства", - цытуе выданне "Еўрапейская праўда".
"Такія буйныя баявыя вучэнні праводзіліся ў брытанскай паветранай прасторы ў першы раз, прынамсі, за 13 гадоў", - гаворыцца ў паведамленні. Вучэнні прайшлі яшчэ 19 сакавіка, але інфармацыя пра іх была апублікаваная ў прэсе толькі 29-га.
Выданне адзначае - вучэнні былі праведзеныя з прычыны "частых" выпадкаў з'яўлення расейскіх знішчальнікаў у паветранай прасторы недалёка ад Вялікай Брытаніі.