Маршрут уцёкаў забойцаў Нямцова адсачылі праз відэа

Следства здолела адсачыць частку шляху, якім меркаваны забойца Барыса Нямцова разам з саўдзельнікам схаваўся на аўтамабілі з месца злачынства.

Эксклюзіўныя кадры апынуліся ў распараджэнні LifeNews.

Мяркуючы з запісаў камер, адразу пасля забойства Барыса Нямцова аўтамабіль злачынцаў павярнуў на чырвоны сігнал святлафора з Вялікага Маскварэцкага моста направа на Балотную вуліцу. Час на гадзінніку - 23:31:48. Па Балотнай вуліцы забойцы на вялікай хуткасці накіраваўся да ўздыму на Вялікі Каменны мост і даехалі да яго а 23:32:43.

На самым мосце аўтамабіль затармазіў, прапускаючы пешаходаў, што нечакана выскачылі на праезную частку, пасля чаго з’ехаў у крайні левы шэраг. А 23:33:04 з Вялікага Каменнага машына кілераў сышла направа - на Махавую вуліцу.

Менш чым за хвіліну, а 23:33:52, яна дасягнула павароту на Цвярскую. Кіроўца перабудаваўся ў крайні шэраг, быццам збіраючыся пайсці налева, і нават уключыў паваротнік. Аднак у апошні момант ён чамусьці перадумаў і накіраваў аўтамабіль прама - міма Дзяржаўнай Думы па вуліцы Ахотны рад. А 23:34:21 машына павярнула на Вялікую Дмітраўку і там згубілася ў шчыльнай плыні.

Сустаршыня партыі РПР-ПАРНАС Барыс Нямцоў быў забіты ў ноч на суботу, 28 лютага, на Вялікім Маскварэцкім мосце ў цэнтры Масквы. Паводле версіі следства, кілер некалькі разоў стрэліў у палітыка, калі той ішоў у напрамку Вялікай Ардынкі ў кампаніі грамадзянкі Украіны Ганны Дурыцкой. Чатыры з шасці куль, выпушчаных з пісталета, патрапілі ў цэль, у выніку чаго палітык памёр праз пару хвілін. Кілер жа сеў у аўтамабіль, якім кіраваў ягоны саўдзельнік, і схаваўся з месца злачынства.

План «Перахоп», які сталічная паліцыя абвясціла адразу пасля таго, што адбылося, выніку не даў. Паводле факта забойства палітыка ГСУ СК Расеі ў Маскве распачаў крымінальную справу паводле артыкулаў «Забойства» і «Незаконнае абарачэнне зброі».