На будоўлю АЭС незалежных журналістаў не пусцяць
7- 30.03.2015, 20:58
- 13,959
Міністэрства энэргетыкі адмовілася арганізаваць прэс-тур на будучую «Беларускую АЭС» у Астраўцы.
У міністэрстве ўдакладнілі, што «найбліжэйшым часам правядзенне прэс-тураў на будаўнічую пляцоўку беларускай АЭС для журналістаў не плануецца», перадае «Радыё Свабода».
У складзе журналісцкага дэсанту спрабаваў акрэдытавацца і карэспандэнт «Радыё Свабода».
Разам з тым міністэрства запрасіла журналістаў узяць удзел у міжнароднай выставе і канферэнцыі «Атамэкспа-Беларусь 2015», якая пройдзе ў Менску 22-24 красавіка.
Вядома, што прадстаўнікі афіцыйных СМІ рэгулярна наведваюць не толькі Астравецкую пляцоўку, але і расейскія атамныя аб'екты, а таксама прадпрыемствы, якія вырабляюць абсталяванне для першай беларускай АЭС.