Беларус устанавіў рэкорд свету ў паўэрліфцінгу

Аляксандар Грынкевіч-Суднік скарыў сусветны рэкорд у вагавой катэгорыі да 74 кг на чэмпіянаце Еўропы ў класічным паўэрліфцінгу.

Спартыўны турнір прайшоў у чэшскай Пльзені, піша БелТА.

Удзельнікі кантынентальнага турніру выступалі без спецыяльнай экіпіроўкі і вызначалі ва ўсіх вагах наймацнейшых у суме трохбор'я (прысяданне, жым лежачы, станавая цяга). Аляксандр Грынкевіч-Суднік першынстваваў у сваёй катэгорыі з вынікам 710 кг (прысяданне - 242,5 кг, жым лежачы - 167,5 кг, станавая цяга - 300 кг), які стаў новым рэкордам свету.

Узнагароду вышэйшай вартасці сярод дарослых на чэмпіянаце заваявала таксама беларуская спартоўка Аляксандра Атчэнашка, якой не было роўных у найлягчэйшых вазе (да 47 кг). Яе сума трохбор'я склала 335 кг (132,5 кг + 67,5 кг + 135 кг). Аналагічнага поспеху дабілася і Сняжана Зубко, што першынствавала ў катэгорыі да 72 кг з вынікам 442,5 кг (172,5 кг + 82,5 кг + 187,5 кг).