У Бабруйску з пнеўматыкі расстралялі тралейбус: пацярпела кантралёрка

У Бабруйску 28 сакавіка хуліган з пнеўматычнага пісталета расстраляў тралейбус.

17-гадовы падлетак з хуліганскіх меркаванняў зрабіў тры стрэлы з пнеўматычнага пісталета па тралейбусу, піша «Коммерческий курьер».

Стрэлы пашкодзілі шкло, у выніку 54-гадовая жанчына-кантралёрка атрымала цялесныя пашкоджанні, паведаміла старшая інспектарка ГІГС УУС Бабруйскага гарвыканкама Таццяна Гарбанюк.

Па гарачых слядах злачынства было раскрытае супрацоўнікамі дэпартамента аховы і крымінальнага вышуку Ленінскага раёна.

- Малады чалавек ехаў з сябрам у тралейбусе, калі ўвайшла кантралёрка і запатрабавала разлічыцца за праезд. Спрачаліся, спрачаліся, у выніку заплацілі. Выходзячы на прыпынку «Гасцініца Бабруйск», зламыснік кінуў фразу: «расстрэльваць такіх трэба» і зрабіў тры стрэлы. Кулі ў жанчыну не патрапілі, а вось аскепкі разбітага шкла прычынілі ёй цялесныя пашкоджанні. Нейкі час маладзёны спрабавалі хавацца і нават адстрэльваліся ад кіроўцы тралейбуса і кантралёраў, які пераследвалі іх, але падчас аператыўна-вышуковых мерапрыемстваў былі затрыманыя, - распавёў начальнік АУР АМ Ленінскага раёна Андрэй Васільеў.

Малады чалавек раней быў судзімы за незаконны абарот наркотыкаў, а таксама за крадзеж. За суботні эпізод яму пагражае пазбаўленне волі тэрмінам ад сямі да дзесяці гадоў. Цяпер хлопец затрыманы, развязваецца пытанне аб абранні меры стрымання на час следства.