Зборная Беларусі хакея папоўнілася чатырма гульцамі

Гульцы салігорскага «Шахцёра» Ігар Карабанаў, Андрэй Караў, Іван Усенка і сталічнага «Юнацтва» Крысціян Хенкель далучыліся да нацыянальнай зборнай хакея.

Каманда прадаўжае падрыхтоўку да травеньскага чэмпіянату свету і найбліжэйшага матчаў у рамках «Еўрачэленджа», паведамляе БелТА.

Галоўны трэнер беларускай лядовай дружыны Дэйв Льюіс распавёў, чаму запрасіў на зборы менавіта гэтых хакеістаў. «Вельмі задаволены Карабанавым. Сачыў за яго гульнёй у фінальных гульнях экстралігі. У Ігара выдатнае катанне і добра пастаўлены кідок. Хенкель, малады і перспектыўны абаронца «Юнацтва», цяпер займаецца з нашым трэнерам фізпадрыхтоўкі Уладзімірам Бурэ ў залі - яму трэба пэўны час, каб аднавіцца пасля траўмы, але я вельмі разлічваю на яго ў найбліжэйшых сустрэчах Еўравыкліку. У распараджэнні трэнерскага штаба нацыянальнай каманды дасведчаны абаронца Іван Усенка. Думаю, на гэты момант мы запрасілі адных з лепшых гульцоў нацыянальнага чэмпіянату», - зазначыў настаўнік зборнай Беларусі.

Нацыянальная каманда хакея завяршае стартавы адрэзак падрыхтоўкі да чэмпіянату свету. Падапечныя Дэйва Льюіса возьмуць удзел у серыі таварыскіх матчаў у рамках Еўрапейскага хакейнага выкліку - «Еўрачэлендж». У Маладзечне 2 красавіка і ў Лідзе 4 красавіка беларусам будуць супрацьстаяць спаборнікі з Латвіі. 9 і 11 красавіка дружына Дэйва Льюіса згуляе на выездзе з Даніяй, 16 і 18 красавіка - у Кошыцэ і Папрадзе са Славакіяй. Зборная Беларусі завершыць праграму Еўравыкліку хатнімі матчамі з Нарвегіяй 24 красавіка ў Менску і 25 красавіка ў Салігорску.

Першы матч на чэмпіянаце свету каманда Дэйва Льюіса правядзе 2 траўня 2015 года са зборнай Славеніі.