У Полацку руйнуюцца помнікі Сімяёну Полацкаму і Францішку Скарыну
14- 31.03.2015, 16:45
- 13,246
Гарадскія ўлады не спяшаюцца іх рамантаваць.
Чытачы charter97.org дасылаюць фота полацкіх помнікаў, якія знаходзяцца ў недагледжаным стане з віны гарадскіх уладаў.
«Паглядзіце, вось як выглядае помнік нашаму Сімяёну Полацкаму. Нікому няма справы!» - піша чытач.
А вось што адбываецца з помнікам самаму вядомаму беларусу.
«З пастамента помніка Францішку Скарыну адвальваюцца камяні і пліты. Скульптура знаходзіцца ў самым цэнтры старажытнага горада Беларусі, на плошчы Францішка Скарыны. Тут заўсёды шмат турыстаў, асабліва шмат іх у выходныя дні. І госці з іншых краін не толькі бачаць, у якім стане знаходзіцца помнік, але яшчэ і фатаграфуюць гэта. Які сорам!» - піша чытач.
Як стала вядома charter97.org, каля яшчэ аднаго помніка ў цэнтры горада - героям вайны 1812 года - з мінулага года не працуе ніводзін ліхтар ніжняга падсвятлення.