Эйфелева вежа святкуе свой дзень нараджэння
3- 31.03.2015, 18:25
- 5,754
Роўна 126 гадоў таму ў Парыжы ўрачыста адкрылі Эйфелеву вежу.
Цяпер цяжка нават уявіць сабе французскую сталіцу без гэтай ажурнай грацыёзнай славутасці. Сваю назву яна атрымала ў гонар яе архітэктара - Густава Эйфеля. Аднак сам стваральнік называў яе проста - «300 метровая вежа», піша «Комсомольская правда в Беларуси».
Аднак яшчэ да таго, як вежа была пабудаваная, яе сустрэлі крытычна некаторыя грамадскія арганізацыі і вядомыя ў Францыі людзі, у тым ліку і Шарль Гуно з Аляксандрам Дзюма (сынам). У гэта цяжка паверыць, але «сумленне Парыжа», пісьменнік <>bГі дэ Мапасан, стаўся адным з самых заўзятых ганьбавальнікаў аб'екта.
Як толькі ў вежы была адчыненая першая рэстарацыя аўтар знакамітага рамана «Мілы сябар», рэгулярна прыходзіў туды абедаць. А калі сябры пыталіся ў яго, як ён можа есці менавіта тут, пісьменнік зазвычай адказваў: «Гэта адзінае месца ў Парыжы, адкуль не відаць гэтай пачвары!»