Крым можа застацца без украінскага харчавання

Актывісты пагражаюць заблакаваць пастаўкі прадуктаў у Крым праз парушэнні там правоў чалавека.

Такія планы абмяркоўваюцца, у тым ліку і на арганізацыйным узроўні.

Не адважыўся раней на поўную блакаду Крымскай паўвыспы, прадаўжаючы пастаўляць харчаванне, ваду, электраэнэргію, Украіна захавала залежнасць Крыма ў гэтых пазіцыях на 60-80%. Цяпер галоўнае - умела гэтай перавагай скарыстацца, перш за ўсё для абароны грамадзян Украіны ад арыштаў, выкраданняў, пераследу і любога віду дыскрымінацыі, піша ў артыкуле для ZN.UA Валянціна Самар.

Тое, што такія планы абмяркоўваюцца, даў зразумець старшыня меджліса крымскататарскага народа Рэфат Чубараў. Пасля чарговага ціску з боку ФСБ на праваабаронцаў, ён паведаміў у пятніцу раніцай на сваёй старонцы ў сацсетцы аб магчымых захадах у адказ, якія можна назваць "прадукты харчавання ў абмен на свабоду".

"Бясспрэчна, што паталагічная нянавісць крымскіх уладаў да актывістаў крымскататарскага нацыянальнага руху, якія выступаюць у абарону правоў свайго народа і адстойваюць у акупаваным Крыме правы чалавека незалежна ад нацыянальнасці, перайшла ўсе магчымыя і немагчымыя межы. Упэўнены, узмоцненыя кансультацыі, што праводзяцца намі ў гэтыя дні ў Кіеве і за межамі Украіны, дазволяць нам неўзабаве ўстанавіць жорсткую сувязь паставак прадуктаў харчавання і іншых тавараў на акупаваную паўвыспу з мацерыковай Украіны ад стану правоў чалавека ў Крыме. Гаворка ідзе не пра тое, каб выракчы жыхароў Крыма на голад (барані Усявышні!), а прымусіць акупацыйныя ўлады выконваць правы чалавека", - адзначыў Чубараў.

"Калі ўлады Украіны не будуць прымаць рашучых дзеянняў для вызвалення арыштаваных крымскіх актывістаў, спынення пераследу іншадумцаў і абароны правоў грамадзян Украіны, мы будзем гэта рабіць самі. Мы перакрыем гэты ганебны канвой з харчаваннем, які ідзе кожны дзень на Крым для падтрымкі акупантаў і іх войска . Для гэтага не трэба шмат людзей (хоць іх знойдзецца нямала, паверце, не толькі крымскіх татараў - патрыётаў шмат), сродкаў, тым больш зброі. Мы мірныя людзі, але трываць больш гэта б... не будзем", - паведаміў ZN.UA вядомы сваёй бескампраміснай пазіцыяй актывіст.

Другі суразмоўца, не ўдаючыся ў падрабязнасці, пацвердзіў, што такія планы сапраўды абмяркоўваюцца, у тым ліку і на арганізацыйным узроўні, аднак адмовіўся адказваць на пытанне, ці санкцыянаваныя такія дзеянні ўкраінскай уладай. Але пасля запісу ў Фэйсбуку Рэфата Чубарова, - гэта ўжо не таямніца, пагадзіцеся.