Пытанне з арыштам падазраваных у забойстве Нямцова могуць развязаць заўтра

Праваахоўныя органы будуць хадайнічаць аб арышце меркаваных выканаўцаў забойства палітыка Барыса Нямцова, якіх затрымалі.

Пра гэта паведаміла "Интерфаксу" крыніца, знаёмая з сітуацыяй.

«Сёння гэтае пытанне, паводле папярэдніх звестак, разглядацца яшчэ не будзе. У нядзелю ці панядзелак адпаведныя хадайніцтвы будуць заяўленыя», - сказаў суразмоўца агенцтва.

З яго слоў, раз справа расследуе ГСУ СК РФ, то хадайніцтва аб арышце будзе разглядаць Басманны суд Масквы.

У сваю чаргу прэс-сакратарка Басманнага суда Масквы Ганна Фадзеева паведаміла «Интерфаксу, што ніякіх матэрыялаў у суд яшчэ не пададзена. «У мяне няма ніякай інфармацыі», - сказала яна.

Дырэктар ФСБ Расеі Аляксандр Бортнікаў паведаміў у суботу аб затрыманні двух падазраваных у справе аб забойстве Нямцова.

Барыс Нямцоў быў застрэлены ў цэнтры Масквы на Вялікім Маскварэцкім мосце 27 лютага а 23:30. Украінская мадэль Ганна Дурыцкая, якая суправаджала палітыка ў той вечар, ужо дала паказанні і вярнулася на радзіму, даўшы падпіску пра неразгалошванне і пагадзіўшыся і далей супрацоўнічаць са следствам.

Следчы камітэт Расеі разглядае некалькі версій забойства палітыка, разглядаючы як палітычны, так і бытавы матыў.