Патройны тэракт у Нігерыі: 60 чалавек загінулі, 140 параненыя

Патройны тэракт адбыўся ў Нігерыі ў горадзе Майдугуры на паўночным усходзе краіны.

Колькасць ахвяр расце, паводле звестак на 20:00 мск, пацверджаная гібель 60 чалавек, каля 140 пацярпелі, піша NEWSru.com.

Вялікая колькасць загінулых і пацярпелых стала вынікам таго, што выбухі прагрымелі ў шматлюдных месцах, прынамсі, на гарадскім рыбным рынку і на аўтобусным прыпынку. Паводле наяўнай інфармацыі, сярод загінулых ёсць дзеці.

Майдугуры - адміністрацыйны цэнтр паўночна-ўсходняга штата Борна. У горадзе пражываюць больш за мільён чалавек. Напачатку года горад падвергнуўся маштабнаму нападу групоўкі "Бока Харам", гэтую атаку атрымалася адбіць сілам бяспекі Нігерыі, нагадвае РІА "Новости".

Да цяперашняга моманту ніводная з дзеючых у краіне тэрарыстычных груповак не ўзяла на сябе адказнасць за тэракт, аднак, як мяркуецца, за серыяй выбухаў таксама стаяць баевікі радыкальнай групоўкі "Бока харам".

"Бока харам" імкнецца стварыць на паўночным усходзе Нігерыі ісламскі халіфат і ўвесці нормы шарыяту - ісламскага права. Цягам некалькіх гадоў яе баевікі фактычна вядуць вайну супраць уладаў, выбіраючы ў якасці мэтаў для нападаў і выбухаў аб'екты, звязаныя з войскам і паліцыяй, а таксама нападаючы на старэйшын і лідараў рэлігійных абшчын.