Нарвегія пачынае маштабныя вучэнні ля мяжы з Расеяй

Вайсковыя вучэнні Joint Viking стартуюць у панядзелак на поўначы Нарвегіі недалёка ад мяжы з Расеяй.

У манеўрах, якія стануць найбуйнейшымі з 1967 года на поўначы каралеўства, будуць задзейнічаныя 5 тыс. вайскоўцаў і 400 адзінак ваеннай тэхнікі. У вучэннях будуць задзейнічаныя ўсе віды ўзбраення, паведамляе «Росбалт».

Рух калон з тэхнікай пачаўся яшчэ на мінулым тыдні, у нарвежскі Фінмарк перакідваюцца значныя групы вайскоўцаў і вайсковай тэхнікі.