Пад Менскам міліцыя канфіскавала буйную партыю адзення і абутку

Падчас праверкі канфіскавана больш за 85 тысяч адзінак тавару на агульную суму звыш 24 млрд. рублёў.

Супрацоўнікі АБЭЗ Кастрычніцкага РУУС сталіцы выявілі ў складскіх і падсобных памяшканнях адной з фірмаў на тэрыторыі Менскага раёна вопратку замежнай вытворчасці, якая захоўвалася без дакументаў, якія пацвярджаюць легальнасць імпарту тавару.

Акрамя таго быў устаноўлены факт захоўвання імпартнага абутку без нанясення на яго ідэнтыфікацыйных знакаў Рэспублікі Беларусь.

Як паведаміў Naviny.by прэс-афіцэр Кастрычніцкага РУУС Менска Леанід Ушэнін, падчас праверкі канфіскавана больш за 85 тысяч адзінак тавару на агульную суму звыш 24 млрд. рублёў. Складзеныя адміністрацыйныя пратаколы паводле артыкулаў 12.17 (парушэнне правілаў гандлю і надання паслуг насельніцтву) і 12.35 (парушэнне патрабаванняў заканадаўства аб маркіроўцы тавараў кантрольнымі (ідэнтыфікацыйнымі) знакамі) КаАП РБ. Не выключана таксама, што тавар будзе канфіскаваны.