Пуцін знізіў мінімальныя штрафы за хабар
23- 9.03.2015, 19:00
- 21,191
Прэзідэнт РФ Уладзімір Пуцін ухваліў зніжэнне штрафаў за дачу і атрыманне хабару.
Прэзідэнт Расеі Уладзімір Пуцін падпісаў закон пра змены ў Крымінальны і Крымінальна-выканаўчы кодэксы РФ, згодна з якімі зніжаюцца мінімальныя сумы штрафаў за дачу і атрыманне хабараў.
Адпаведны дакумент апублікаваны на афіцыйным партале прававой інфармацыі РФ.
Згодна з новымі нормамі, мінімальная сума штрафу за атрыманне хабару зніжаная з 25-разовай да 10-разовай сумы ад атрыманага гасцінцу. Таксама прадугледжаны фіксаваны штраф у суме 1 мільёна рублёў (блізу 17 тысяч даляраў).
За дачу хабару штраф знізіўся ўтрая – да 5-разовай сумы гасцінца. Фіксаваны штраф устаноўлены на ўзроўні 500 000 рублёў (блізу 8500 даляраў).