Абаненты МТС скардзяцца на праблемы з інтэрнэтам
9- 9.03.2015, 20:09
- 17,549
Праблема закранула сталічных абанентаў.
Карыстальнікі Ethernet-інтэрнэту ад МТС скардзяцца на праблемы з доступам у сетку. Мяркуючы з паведамленняў абанентаў, непаладкі пачаліся 7 сакавіка і ў некаторых назіраюцца дагэтуль, піша onliner.by.
«Ва Уруччы другі дзень запар нейкі гамон з інтэрнэтам... У тэхпадтрымку не прабіцца», - жаляцца абаненты.
Са слоў тых, хто здалеў датэлефанавацца ў тэхпадтрымку, праблема закранула сталічных абанентаў. «Сказалі, што праблема ва ўсім Менску. Праблема з IP-адрасамі нейкая. Параілі перыядычна перазапускаць маршрутызатар. Маўляў, калі адрас будзе вольны, то пашанцуе і будзеш з сеткай», - піша карыстальнік.
Як удакладнілі ў прэс-службе кампаніі, праблема закранула невялікую колькасць карыстальнікаў. У МТС паабяцалі, што непаладкі будуць зліквідаваныя да раніцы 10 сакавіка.