Амбасадарка ЗША ў ААН: Мы разглядаем усе варыянты дапамогі Украіне
7- 9.03.2015, 20:52
- 8,349
Высілкі ЗША і ААН сканцэнтраваныя на спыненні Расеяй агрэсіі ва Украіне.
Такую пазіцыю амбасадарка ЗША ў ААН Саманта Паўэр агучыла ў Брусэлі, адказваючы на пытанне ўкраінскіх журналістаў наконт перспектыў накіравання міратворчай місіі ААН ва Украіну, перадае Укрінформ.
"Я думаю, што нашы намаганні цяпер сканцэнтраваныя на тым, каб убачыць выкананне менскіх дамоўленасцяў", - сказала яна.
Са слоў амэрыканскай дыпламаткі, яна сустракалася з міністрам замежных спраў Паўлам Клімкіным, прэзідэнт Пятро Парашэнка гутарыў з віцэ-прэзідэнтам ЗША Джозэфам Байдэнам і прэзідэнтам Баракам Абамам.
"Мы разглядаем усе варыянты, але зноў - самы важны аспект, каб гарантаваць мір ва Украіне, - гэта каб Расея спыніла сваю агрэсію ва Украіне. На гэтым сканцэнтраваныя нашы намаганні. Вось што мы падкрэсліваем", - адзначыла Саманта Паўэр.
Нагадаем, на думку кіраўніка МЗС Нямеччыны Штайнмаера, санкцыі або нават пастаўкі зброі не стануць панацэяй для ўрэгулявання канфлікту ва Украіне.