У Расеі рабочыя на касмадроме Усходні аднавілі галадоўку

Будаўнікі касмадрома Усходні ў Амурскай вобласці зноў пачалі галадоўку.

Пра гэта паведаміў «Говорит Москва» будаўнік Яўген. Ягонае прозвішча не называецца.

«Пачалася галадоўка а 12 гадзіне паводле мясцовага часу. На абед мы ўжо нікуды не ездзілі. Чакаем, пакуль выплацяць заробак цалкам. Ёсць тут людзі, якія не атрымлівалі ў снежні, студзені і сакавіку. Я канкрэтна не атрымліваў за студзень, люты і сакавік», - распавёў рабочы. З ягоных слоў, у галадоўцы бяруць удзел 35 чалавек. Усяго цяпер выплат чакаюць блізу 60 чалавек.

Выконваючы абавязкі кіраўніка «Дальспецбуду» Юры Ваўкадаў паабяцаў рабочым, што запазычанасці будуць выплачаныя да 10 красавіка, піша Lenta.ru.

6 красавіка пасля візіту віцэ-прэм'ера Расеі Дзмітрыя Рагозіна на касмадром, што будуецца, СКР пачаў крымінальную справу паводле факту працяглай затрымкі заробку, фігурантам якога стаў гендырэктар ТАА «будіндустрыя-З» Сяргей Цярэнцьеў.

4 красавік 26 працоўных кампаніі «будіндустрыя-З» абвясцілі галадоўку з патрабаваннем пагасіць запазычанасць заробкаў, а блізу сотні іх калегаў наладзілі страйк. У той жа дзень пасля размовы будаўнікоў з Рагозінам галадоўка была спыненая.

Фота: ria.ru