Гадзіннік Apple Watch распрадалі за некалькі хвілін
3- 10.04.2015, 21:33
- 9,200
Некаторыя мадэлі Apple Watch, кошт якіх вагаецца ад $299 да $10 тысяч, былі цалкам раскупленыя цягам некалькіх хвілін.
Больш дарагія мадэлі коштам ад $10 тысяч да $17 тысяч былі распрададзеныя за некалькі гадзін, паведамляе Gazeta.ru са спасылкай на Financial Times.
Фанаты Apple чарговым разам давялі сваю лаяльнасць брэнду. Apple Watch былі даступныя для папярэдняй замовы ў ЗША, Канадзе, Аўстраліі, Францыі, Нямеччыне, Японіі, Англіі, Кітаі ды Ганконгу.
У адрозненне ад папярэдніх запускаў новых прадуктаў Apple, цяпер нават для самых нецярплівых пакупнікоў з'явілася магчымасць не стаяць у чарзе каля крамы разам з прыхільнікамі, ахвочымі ўбачыць гадзіннік у краме ў дзень выпуску, а загадзя замовіць яго ў інтэрнэце.
Архіўнае фота Reuters