Грошы ўкладчыкам «Дэльта Банка» пачнуць вяртаць 13 красавіка

Грошы ўкладчыкам-фізічным асобам ЗАТ «Дэльта Банк» пачнуць вяртаць 13 красавіка.

Пра гэта сёння журналістам паведаміў намеснік старшыні ўправы Банка «Масква-Менск» Аляксандр Валадзько, перадае БелТА.

З 12 сакавіка ў ЗАТ «Дэльта Банк» пастановай управы Нацыянальнага банка была ўведзеная часовая адміністрацыя ў кіраванні банкам. На перыяд яе дзеяння паўнамоцтвы управы ЗАТ «Дэльта Банк» былі прыпыненыя. Захад быў прыняты на падставе аналізу паказчыкаў дзейнасці беларускага ЗАТ «Дэльта Банк» на фоне негатыўных падзей, якія адбываюцца ў АТ «Дэльта Банк» (Украіна), у тым ліку звязаных з прызнаннем яго неплацежаздольным.

З 18 сакавіка Нацыянальны банк адклікаў ліцэнзію ЗАТ «Дэльта Банка» на ажыццяўленне банкаўскай дзейнасці. Такую пастанова Нацбанк прыняў паводле вынікаў разгляду інфармацыі, атрыманай ад часовай адміністрацыі ў кіраванні ЗАТ «Дэльта Банк», у сувязі з невыкананнем ёй асобных ліцэнзійных патрабаванняў, а таксама стварэннем фінансавага становішча, якое пацягнула невыкананне банкам сваіх абавязанняў перад укладчыкамі і іншымі крэдыторамі.

Фота: lexltd.com.ua