Бульба падаражэла на 4% за месяц

У сакавіку хутчэй за ўсё даражэлі алей, квіткі ў тэатр і камуналка.

Белстат апублікаваў звесткі паводле інфляцыі за сакавік. За месяц кошты на ўсё ў нашай краіне выраслі на 0,8%. Пры гэтым больш за ўсё падаражэлі нехарчовыя тавары - на 1,3%, піша «Комсомольская правда в Беларуси».

Дарэчы, гэтая лічба меншая за студзеньскую і лютаўскую, а ўсяго з пачатку года кошты выраслі на 4,9%. Нагадаем, што першапачаткова ўрад устанавіў на 2015 год інфляцыю ў памеры 12%. Праўда, пасля дэвальвацыі гэты паказчык быў перагледжаны. Цяпер улады разлічваюць на тое, што за год кошты падымуцца на 18%, плюс-мінус 2 працэнтныя пункты. Гэта значыць інфляцыя павінна скласці ад 16 да 20%. Калі кошты будуць падвышацца такімі ж тэмпамі, то інфляцыя, хутчэй за ўсё, будзе бліжэйшая да верхняй мяжы меркаванага ўрадам паказчыка.