Штайнмаер: Нямеччына адказвае за бяспеку краін Балтыі
5- 16.04.2015, 20:31
- 8,760
Нямеччына ўзяла на сябе вялікую адказнасць за забеспячэнне бяспекі краін Балтыі.
Міністр замежных спраў Нямеччыны Франк-Вальтэр Штайнмаер, які прыбыў з візітам у Фінляндыю, заявіў, што добра разумее страх краін Балтыі перад вайсковай пагрозай з боку Расеі, паведамляе Цензор.НЕТ са спасылкай на ЕП і фінскае выданне Yle.
Са слоў кіраўніка нямецкага МЗС, Нямеччына ўзяла на сябе вялікую адказнасць за забеспячэнне бяспекі краін Балтыі. Ён заявіў, што ў склад атрадаў хуткага рэагавання таксама ўваходзяць нямецкія вайскоўцы, якія на гэты момант праходзяць падрыхтоўку ў Мюнстэры.
Акрамя таго, з ягоных слоў, Нямеччына дапамагае патруляваць паветраную прастору над Балтыкай.
"Думаю, мы найбольш уключаныя ў працэс забеспячэння бяспекі гэтых краін", - сказаў Штайнмаер. Значная ж частка ягоных размоў у Фінляндыі была прысвечаная тэме крызісу ва Украіне. Ён адзначыў, што цяжка было сабе ўявіць гвалтоўнае перакройванне меж у Еўропе пасля Другой сусветнай вайны.