Лясныя пажары ў Сібіры: агнём ахоплена 120 тысяч гектараў

Плошча лясных пажараў у Сібіры за суткі павялічылася на 10 тысяч гектараў.

Пра гэта паведамляе «Інтэрфакс» са спасылкай на звесткі Дэпартамента лясной гаспадаркі.

На раніцу 17 красавіка ў рэгіёне зафіксавана 95 лясных пажараў агульнай плошчай 118.500 гектараў. З іх 77 - у Забайкальскім краі (114,8 тысячы гектараў), 12 - у Бураціі (амаль 3 тысячы гектараў), адносна невялікія ўзгаранні адзначаныя ў рэспубліцы Тыва, Іркуцкай вобласці і Краснаярскім краі.

За дзень патушана 65 буйных пажараў на плошчы 13600 гектараў, яшчэ 38 лакалізаваныя (на плошчы 29,5 тысячы гектараў).

На 17 красавіка асаблівы супрацьпажарны рэжым дзейнічае на ўсёй тэрыторыі Іркуцкай вобласці, рэспублік Алтай і Тыва, Забайкальскага краю, а таксама ў 18 раёнах рэспублікі Бурація. Рэжым НС уведзены на ўсёй тэрыторыі Забайкальскага краю і рэспублікі Хакасія, у 19-і раёнах Бураціі.

Раней паведамлялася, што плошча лясных пажараў у Забайкальскім краі цягам мінулых сутак вырасла амаль удвая. У сапраўдны момант гараць 104000 гектараў лесу ў 20 раёнах рэгіёну.