Клічко «накаўтаваў» Пуціна
6- 18.04.2015, 12:59
- 11,447
Чэмпіён свету ў боксе Уладзімір Клічко ўважае прэзідэнта Расеі Уладзіміра Пуціна за адзінага вінаватага ў крызісе ва Украіне.
Са слоў украінца, Пуцін не аднойчы дэманстраваў сваю нізасць і хлусню.
«Толькі Пуцін нясе адказнасць за гэтую абсалютна бессэнсоўную вайну. Пуцін схлусіў усяму свету. Спачатку ён казаў, што нічога не ведае пра «зялёных чалавечкаў», якія дзейнічалі ў Крыме, а потым у інтэрв'ю распавядае, што анэксія паўвострава была ягоным планам.
Вайна ва Украіне - гэта бомба запаволенага дзеяння. Нягледзячы на афіцыйны статус замірэння, ваенныя дзеянні прадаўжаюцца», - сказаў Уладзімір у інтэрв'ю выданню Focus.