Фатогрaф апублікаваў нелегальны архіў аэрафотаздымкаў

Новазеландскі фатограф Эймас Чапл паказаў серыю фатаграфій сусветных славутасцяў.

Яны былі знятыя ў той перыяд, калі аэраздымка некаторых месцаў пры дапамозе беспілотнікаў яшчэ не была абвешчаная нелегальнай, піша «Корреспондент» са спасылкай на Business Insider.

Эймас Чапл набыў беспілотнік для фатаграфій, як толькі гэта стала магчымым. Цяпер, у сувязі з кантролем паветранай прасторы на прадмет беспілотнікаў, некаторыя з яго аэрафотаздымкаў з'яўляюцца адзінымі ў свайго кшталту.

«У мяне было «акно» прыкладна 18 месяцаў, калі робат мог лётаць, дзе мне захочацца, і людзі толькі дзівіліся пры яго выглядзе. Я рады, што не змарнаваў той час», - прызнаецца сам фатограф.