Паветраная паліцыя Латвіі перахапіла вайсковы самалёт РФ
- 2.04.2015, 16:47
- 6,149
Расея зноў актывізавалася ў Балтыйскім рэгіёне.
Самалёты паветранай паліцыі Латвіі 2 красавіка падняліся на перахоп расейскага вайсковага транспартнага самалёта Ан-26 над Балтыкай, піша zn.ua.
"Паветраная патрульная служба 2 красавіка паднялася на перахоп расейскага вайсковага самалёта Ан-26 над Балтыйскім морам", - паведамляюць Нацыянальныя ўзброеныя сілы Латвіі ў Twitter.
Air Policing jets on 2 APR scrambled to intercept RU AF An-26 over the Baltic Sea.
— NBS (@Latvijas_armija) 2 апреля 2015
Паведамляецца, што вайсковы транспартнік РФ знаходзіўся непадалёк ад межаў Латвіі, аднак паветраная прастора краін Балтыі парушаная не была. Чытайце таксама: У Латвіі стварылі дапаможнік для грамадзян на выпадак вайны. Цягам апошніх месяцаў самалёты вайскова-паветраных сіл NАТО ўжо неаднаразова перахаплялі расейскія вайсковыя самалёты над Балтыкай.
Паводле звестак альянсу, у 2014 годзе самалёты NАТO падымаліся ў паветра на перахоп расейскіх самалётаў у тры разы часцей, чым годам раней. ВС РФ таксама пачасцілі правядзенне вайсковых вучэнняў. 16 сакавіка Расея прывяла Паўночны флот у поўную баявую гатоўнасць у рамках "раптоўнай праверкі".
Да праверкі прыцягнутыя 38 тысяч вайскоўцаў, 3360 адзінак вайсковай тэхнікі, 41 карабель, 15 падлодак, 110 самалётаў і верталётаў. 18 сакавіка над Балтыйскім морам перахапілі сем вайсковых самалётаў РФ.