Мясніковіч заўважыў, што беларусам затрымліваюць заробак

Упершыню за некалькі гадоў беларусы зноў пачалі скардзіцца на затрымку заробку.

Канстатаваў сёння старшыня «савета рэспублікі» Міхаіл Мясніковіч, паведамляе АФН.

«Упершыню цягам апошніх некалькі гадоў у «савет рэспублікі» сталі паступаць скаргі на тэрміны выплаты заробку», - сказаў Мясніковіч, адкрываючы чарговую сесію.

Ён не стаў паглыбляцца ў сутнасць праблемы, бо ў гэты момант гаварыў не аб праблемах у эканоміцы краіны, а пра сістэму працы са зваротамі грамадзян.