Ландсбэргіса-малодшага віншуюць з перамогай на выбарах лідара кансерватараў
- 20.04.2015, 9:32
- 19,255
У нядзелю скончылася галасаванне на выбарах лідара партыі Звяз Айчына - Хрысціянскія дэмакраты Літвы.
На выбарах відавочна ў лідарах 33-гадовы Габрыэлюс Ландсбэргіс.
Унука першага старшыні гэтай партыі Вітаўтаса Ландсбэргіса з ягонай перамогай ужо павіншавала Ірэна Дэгутэнэ, якая была галоўнай ягонай канкурэнткай, піша DELFI.
Усяго ў выбарах бралі ўдзел шэсць кандыдатаў: Ірэна Дэгутэнэ, Габрыелюс Ландсбэргіс, Мантас Адаменас, Юргіс Разма, Лайма Андрыкене, Эмануэліс Зінгерыс.
Найбольш рэальнымі прэтэндэнтамі на пасаду старшыні партыі былі І.Дэгутэне і Г.Ландсбэргіс, які заслужыў сімпатыі цяперашняга старшыні Андруса Кубілюса і ягоных прыхільнікаў.
На выбарах лідара партыі галасавалі 9124 сябра партыі, актыўнасць на выбарах перавысіла 50%.
Тэрмін паўнамоцтваў старшыні партыі - 2 гады.
Як сцвярджаў палітолаг Мажвідас Ястрамскіс, выбар паміж І.Дэгутэнэ і Г.Ландсбэргісам кажа пра тое, ці будуць спрабаваць мабілізаваць цяперашніх выбарцаў ці ж прыцягваць новых.
Старшыня партыі выбіраецца наўпроставым галасаваннем ўсіх чальцоў партыі. Выбары адбыліся, калі ў іх узялі ўдзел не менш за палову ўсіх партыйцаў.
Усяго ў ЗА-ХДЛ уваходзіць 16 000 сяброў.