ПАРЕ пастанавіла не вяртаць РФ права голасу

Бюро Парламенцкай асамблеі Рады Еўропы рэкамендавала перанесці абмеркаванне вяртання голасу расейскай дэлегацыі на чэрвень.

Гэтую пастанову агучыла дакладчыца аб Расеі Тэадора Бакаяніс, паведамляе УНІАН.

"Паміж нашымі старанамі нічога не адбываецца", - сказала Бакаяніс.

Гэтую ж інфармацыю паведамляе адвакат украінкі Надзеі Саўчанка Мікалай Полазаў у Twitter.

"Цяпер у ПАРЕ абмеркаванне вяртання голасу расейскай дэлегацыі пастанавілі перанесці на чэрвень", - напісаў Полазаў.

У студзені гэтага года рэзалюцыяй ПАРЕ дэлегацыя Расеі была пазбаўленая права голасу, а яе сябры - права працаваць у кіроўных органах асамблеі і прызначацца дакладчыкамі. Санкцыі на прадстаўнікоў Дзярждумы былі накладзеныя праз далейшую незаконную анэксію ўкраінскага Крыму. А таксама, як гаворыцца ў рэзалюцыі, праз агрэсію РФ на Усходзе Украіны, сярод іншага, "пастаўкі зброі сепаратыстам і вядзення таемных ваенных дзеянняў з удзелам расейскіх вайскоўцаў, што з'яўляецца грубым парушэннем статута РЕ і Менскага пратаколу, стараной якога з'яўляецца Расея".

У адказ на гэта дэлегацыя РФ пакінула ПАРСЕ, а яе кіраўнік Аляксей Пушкоў заявіў, што да канца года расейскія дэпутаты ў Страсбург не будуць прыязджаць.