Прэм'ер Аўстраліі выпіў куфаль піва за 7 секунд
14- 20.04.2015, 12:15
- 5,219
Відэа з палітыкам набрала больш за 100 тысяч праглядаў у Facebook
Кіраўнік урада Аўстраліі Тоні Эбат здолеў выпіць пінту піва (блізу 0,57 літра) за сем секунд.
Пра гэта паведамляе The Australian Women's Weekly. За два дні з моманту публікацыі відэа з палітыкам набрала больш за 100 тысяч праглядаў у Facebook.
18 красавіка прэм'ер-міністр краіны адпачываў у адным з бараў Сіднэя, дзе адзначалі перамогу гульцы рэгбійнага клуба UTS Bats. Убачыўшы палітыка, трэнер каманды Сайман Кэрадус (Simon Carrodus) запрасіў Эбата выпіць з гульцамі па бутэльцы піва. «Я падышоў да Тоні і пацікавіўся, ці не адмовіцца ён выпіць з намі», - распавёў Кэрадус, піша Lenta.ru.
Пасля гэтага прэм'ер-міністр краіны выступіў з кароткай прамовай перад гульцамі, а затым нагбом выпіў куфаль піва.
#EXCLUSIVE FOOTAGE: We've just seen Prime Minister Tony Abbott pull a Bob Hawke and skoll his beer at a Sydney pub. Here...
Posted by The Australian Women's Weekly on 18 kwietnia 2015
Эбат прыняў прысягу ў якасці 28-га прэм'ер-міністра Аўстраліі ў 2013 годзе. Раней палітык працаваў міністрам аховы здароўя і міністрам занятасці, працоўных дачыненняў і малога бізнэсу.
Гэта ўжо не першы выпадак, калі аўстралійскія палітыкі паказваюць сваё ўменне піць. Сярод іх, былы прэм'ер-міністр краіны Робэрт Хоўк падчас навучання ў каледжы здолеў выпіць два куфлі піва за 11 секунд. Пазней ён не аднойчы ўдзельнічаў у такіх імправізаваных спаборніцтвах.