Францыя зноў адмовілася перадаваць Расеі «Містралі»

Пакуль варункі для пастаўкі Расеі гелікаптэраносца «Містраль» не склаліся.

Пра гэта заявіў прэзідэнт Францыі Франсуа Аланд на супольнай з прэзідэнтам Украіны Пятром Парашэнкам прэс-канферэнцыі, паведамляе ТАСС.

Першы такі карабель, які атрымаў назву "Уладзівасток", быў спушчаны на ваду ў кастрычніку 2013 года, і яшчэ ў лістападзе 2014-га мусіў быць перададзены ВМФ Расеі.

У апошні момант Парыж на няпэўны тэрмін прыпыніў перадачу гелікаптэраносца расейскай старане, матываваўшы сваю пастанову сітуацыяй ва Украіне.

Першапачаткова планавалася, што другі карабель - "Севастопаль" - будзе перададзены расейскай старане ў другой палове 2015 года, аднак як і ў выпадку з першым караблём, пастанова аб яго пастаўцы пакуль замарожаная.