Расследаванне забойства Нямцова працягнулі да канца лета
6- 22.04.2015, 21:54
- 12,082
Тэрмін следства ў справе аб забойстве палітыка Барыса Нямцова, які заканчваўся 28 красавіка, падоўжаны да 28 жніўня.
Як паведамляюць расейскія інфармацыйныя агенцтвы, следчыя патрабуюць падоўжыць да гэтай жа даты арышт усіх пяцярых абвінавачаных у справе. Хадайніцтва ў дачыненні да двух з іх - Гамзата Бахаева і Анзора Губашава - ужо разглядаецца Басманным судом, паведамляе BBC.
У справе таксама праходзяць Заур Дадаеў, Шагід Губашаў і Тамерлан Эскерханаў. Усе яны арыштаваныя.
Паводле версіі следства, беспасярэднім выканаўцам злачынства быў Дадаеў. Астатніх следства абвінавачвае ў суўдзеле. Ніхто з іх віну не прызнае.
Арганізатар і замоўца злачынства дагэтуль не выяўлены.