Мянчанку абурыла «правакацыйная» налепка на аўто расейца
38- 25.04.2015, 11:30
- 20,145
Жанчына напісала звароты на імя старшыні Менгарвыканкама і кіраўніка ГУУС Менгарвыканкама.
Беларусь рыхтуецца сустрэць 70-годдзе Перамогі ў Вялікай Айчыннай вайне. Напярэдадні вялікага свята ў грамадстве абвостраная ўвагу да ўсяго, што звязана з тэмай Вялікай Айчыннай вайны. У рэдакцыю Onliner.by звярнулася мянчанка Анастасія, каб выказаць сваё абурэнне ўбачаным на вуліцах горада.
- Учора па вуліцы Леніна праязджаў аўтамабіль Toyota чорнага колеру з расейскімі нумарамі. На заднім шкле заўважыла вінілавую налепку «Можам паўтарыць», - распавядае чытачка. - На ёй намаляваныя фігуры ў парнаграфічнай позе, якія суправаджаюцца савецкай і нацысцкай сімволікай, а таксама гадамі ВАВ - 1941-1945. Частка свастыкі кімсьці сарваная, і тым не менш. Гэтая сімволіка выклікала шырокае абурэнне грамадскасці ў РФ. Як маці траіх дзяцей і як выкладчык ВНУ, уважаю сваім абавязкам выказаць грамадзянскае абурэнне. Я ўжо напісала звароты на імя старшыні Менгарвыканкама і кіраўніка ГУУС Менгарвыканкама.
Са слоў Анастасіі, яна папрасіла прыцягнуць кіроўцу да адказнасці, хоць выдатна разумее, што гэта не ў кампетэнцыі дзяржорганаў (ды і нагоды фармальнай няма).
- У нас вольная дзяржава, кожны мае права на самавыяўленне, - разважае жанчына. - Хутчэй, адзіны рычаг процідзеяння такому хамству - гэта не адміністрацыйная, а грамадзянская рэакцыя. Я, паўтаруся, абураная.