«Дармаедаў» пазбавілі адраснай сацыяльнай дапамогі

Лукашэнка сваім указам пазбавіў «дармаедаў» адраснай сацыяльнай дапамогі.

Беларускі кіраўнік сваім указам ад 2 красавіка №145 унёс папраўкі ва ўказ ад 19 студзеня 2012 г. №41 «Аб дзяржаўнай адраснай сацыяльнай дапамозе», піша АФН.

Адна з такіх паправак уводзіць забарону на выдаванне дзяржаўнай адраснай сацыяльнай дапамогі «пенсійным» дармаедамі: грамадзянам, якія дасягнулі агульнаўстаноўленага пенсіённага ўзросту, але не выпрацавалі мінімальны стаж, неабходны для прызначэння працоўнай пенсіі, а менавіта жанчынам ва ўзросце ад 55 да 60 гадоў, мужчын ва ўзросце ад 60 да 65 гадоў, якія не маюць права на дзяржаўную пенсію.