Амерыканскія танкісты правялі першыя стрэльбы ў Эстоніі

Танкісты амерыканскай 3-й пяхотнай дывізіі, якія базуюцца ў Эстоніі, правялі 30 красавіка першыя стрэльбы на Цэнтральным палігоне.

Пра гэта паведамілі «Інтэрфаксу» ў прэс-службе Сіл абароны Эстоніі.

У стрэльбах узялі ўдзел тры танкі M1A2 Abrams, якія зрабілі на хаду і з кароткіх прыпынкаў 60 стрэлаў з 120-міліметровых гармат па мэтах на адлегласці 500 метраў.

«Мы радыя, што можам трэніравацца разам са сваімі эстонскімі саюзнікамі. У нас сёння была магчымасць прадэманстраваць агнявую моц танкаў Abrams», - заявіў пасля стрэльбаў камандзір 1-й бранятанкавай брыгадны тактычнай групы 3-й пяхотнай дывізіі войска ЗША палкоўнік Роб Ашэ.

За стрэльбамі назіралі канцлер міністэрства абароны Эстоніі Мікі Маран, чальцы парламенцкай камісіі дзяржаўнай абароны, камандуючы сіламі абароны краіны генерал-лейтэнант Рыха Тэрас, а таксама амбасадар ЗША Джэфры Левін.

Танкавы ўзвод са складу 1-й брыгаднай тактычнай групы 3-й пяхотнай дывізіі знаходзіцца ў Эстоніі з сярэдзіны сакавіка. Разам са 150 амерыканскімі дэсантнікамі з 173-й паветрана-дэсантнай брыгады, якія размешчаны ў краіне на сталай аснове, яны возьмуць у пачатку траўня ўдзел у маштабных вучэннях Siil 2015 («Вожык 2015»). На іх плануецца задзейнічаць да 13 тысяч вайскоўцаў і рэзервістаў.

Цягам 2014-2015 гадоў краіны Балтыі рэгулярна заяўляюць аб ваеннай пагрозе, якую нясе ім ўзмацненне ваеннай актыўнасці Расеі ў паўночна-заходнім рэгіёне. У адказ на гэтыя заклапочанасці краіны NАТO, у тым ліку ЗША, нязначна павялічылі вайсковую прысутнасць у рэгіёне.