Супраць супрацоўнікаў ашмянскай мытні распачата пяць спраў

Паводле справы аб карупцыі ў пункце прапускання "Каменны Лог" на беларуска-літоўскай мяжы арыштаваныя 19 дзейных і былых супрацоўнікаў Ашмянскай мытні.

Пра гэта паведамляе прэс-служба Камітэта дзяржаўнай бяспекі.

Удзельнікі злачыннай групы за хабар з парушэннем мытнага заканадаўства выконвалі бесперашкоднае прапусканне вялікіх партый розных тавараў праз Дзяржаўную мяжу Рэспублікі Беларусь у пункце прапускання "Каменны Лог". Сумы незаконнага грашовага ўзнагароджання складалі ад 250 да 3000 даляраў ЗША ў залежнасці ад колькасці перавозных тавараў. Адзін з удзельнікаў злачыннай групы за штомесячнае грашовае ўзнагароджанне на суму 1000 даляраў ЗША хаваў злачынную дзейнасць затрыманых шляхам перадачы ім звестак аб планаваных ДМК Рэспублікі Беларусь кантрольных акцыях.

У выніку праведзеных акцый затрымана 19 чалавек. У дачыненні да іх Камітэтам дзяржаўнай бяспекі распачата 5 крымінальных спраў паводле прыкмет складу злачынстваў, прадугледжаных ч.2,3 арт.430 (атрыманне хабару) і ч.2 арт.431 (даванне хабару).

Падчас неадкладных следчых дзеянняў на месцы жыхарства фігурантаў сканфіскавана гатовых грашовых сродкаў на суму больш за 2,2 млн даляраў ЗША.

Накладзены арышт на аб'екты нерухомасці і транспартныя сродкі асоб, якія праходзяць у крымінальных справах.

Праводзяцца патрэбныя аператыўна-вышуковыя і следчыя дзеянні, накіраваныя на выяўленне і дакументаванне іншых эпізодаў супрацьпраўнай дзейнасці падазроных.

Да затрыманых ужытая мера стрымання ў выглядзе змяшчэння пад варту.