У парыжскі «Ашан» замест бананаў завезлі какаін
14- 4.04.2015, 16:08
- 22,717
У гіпермаркет «Ашан», размешчаны ў прадмесці Парыжа, замест бананаў завезлі партыю какаіну.
Пра гэта ў пятніцу, 3 красавіка, паведамляе французскі тэлеканал TF1. Наркотык выявілі прадаўцы крамы, калі сталі ўскрываць пакункі з садавіной, піша Lenta.ru.
«Працаўнікі хацелі раскласці бананы на паліцах, але замест гэтага яны налучыліся на пакункі з белым парашком», - распавялі ў праваахоўных органах. Рэчыва было адпраўленае на экспэртызу, якая пацвердзіла, што гэта какаін. У паліцыі мяркуюць, што наркотык прывезлі з Вялікабрытаніі, піша Le Figaro.
Агулам у скрынках знаходзілася блізу 80 кілаграмаў какаіну. Паводле звестак France Soir, на чорным рынку кошт такой партыі можа складаць ад 3,3 да 4 мільёнаў еўраў.
Раней у сераду практычна такую ж партыю какаіну - больш за 100 кілаграмаў - знайшлі ў пакунках з садавіной у Чэхіі. Садавіна прызначаліся для аднаго з мясцовых супермаркетаў. Са слоў прадстаўніка аддзела барацьбы з наркамафіяй паліцыі Барборы Кудлачковай, на чорным рынку кошт сканфіскаванага наркотыку склаў бы блізу 40 мільёнаў даляраў.