Мільёны для дэспата

Урад ФРГ у чаканні далікатных перамоваў з рэжымам узбекскага дыктатара Іслама Карымава.

Аб гэтым піша нямецкі часопіс Der Spiegel. Так, цягам найбліжэйшых тыдняў нямецкая дэлегацыя прыбудзе ў Ташкент для падпісання новай дамовы арэнды аб выкарыстанні Бундэсверам вайсковага аэрадрома ва ўзбекскім Тэрмезе, піша Инопресса.ру.

Да канца 2014 Бундэсвер выкарыстоўваў гэты «міні-аэрадром» у якасці перавалачнага пункта для сваіх войскаў у Афганістане. На сёння ў сувязі са згортваннем місіі авіябаза ў Тэрмезе, як адзначае выданне, нямецкаму войску не патрэбная, бо перакідка войскаў у Гіндукуш адбываецца наўпрост праз Мазары-Шарыф. Аднак нямецкае камандаванне хацела б захаваць за сабой права карыстацца аэрадромам для магчымай эвакуацыі нямецкіх вайскоўцаў у выпадку ўзнікнення надзвычайнай сітуацыі.

Узбекістан жа, у сваю чаргу, жадае практычна ўдвая павялічыць арэндную плату на 2016 год з цяперашніх 35 млн еўра да 72,5 млн еўра.

У сувязі з сітуацыяй з правамі чалавека ва Узбекістане нямецкія плацяжы носяць, як падкрэслівае Der Spiegel, «спрэчны характар». У міністэрстве абароныНямеччыны мяркуюць, што нямецкія грошы за карыстанне аэрадромам пападаюць у асабістую казну прэзідэнта Карымава.