Падаткавікі канфіскавалі ў магілёўскага прадпрымальніка 82 ровары
19- 1.05.2015, 11:00
- 8,967
Агульная сума канфіскаваных вырабаў склала Br181 млн.
Як паведаміў «Интерфакс» прэс-цэнтр інспекцыі МПЗ Беларусі Магілёўскай вобласці, парушэнне парадку рэалізацыі ровараў, аксесуараў, запчастак, інструментаў і экіпіроўкі высветлілі падчас сумеснай праверкі індывідуальнага прадпрымальніка з Магілёва падаткавікі з інспекцый МПЗ Магілёўскай вобласці, Мсціслаўскага раёну і праваахоўнікі.
«У двух гандлёвых аб'ектах прадпрымальніка на Магілёўскім (Быхаўскім) і Прывакзальным рынках горада адсутнічалі дакументы, якія пацвярджаюць легальнасць набыцця (паступлення) гэтых тавараў, іх адпусканне ў рэалізацыю», - адзначылі ў прэс-службе.
У адным гандлёвым пункце, як паказаў кантрольны закуп, прымаліся грошы без выкарыстання касавага апарата, у другім - адсутнічаў плацежны тэрмінал для разлікаў банкаўскімі карткамі.
У выніку праверак з абароту ІП канфіскаваныя 264 адзінкі тавару. Матэрыялы накіраваныя ў суд. «За ўстаноўленыя правапарушэнні магілёўскага прадпрымальніка, 1976 года нараджэння, чакаюць значныя штрафы з канфіскацыяй тавараў або без канфіскацыі», - канстатавалі падаткавікі.