OPEC не будзе зніжаць здабычу нафты
1- 12.05.2015, 21:51
- 2,871
OPEC і краіны, якія не ўваходзяць у картэль, не здолелі дамовіцца аб зніжэнні здабычы.
Арганізацыя краін-экспарцёраў нафты (OPEC) і прадстаўнікі дзяржаў, якія не ўваходзяць у картэль, на сустрэчы ў аўторак не здолелі дамовіцца аб супольным зніжэнні здабычы, паведамляе Bloomberg са спасылкай на трох удзельнікаў сустрэчы.
Сустрэча OPEC з прадстаўнікамі краін, якія не ўваходзяць у арганізацыю, у тым ліку Расеі, Бразіліі, Мексікі і Азербайджана, адбылася напярэдадні чарговага пасяджэння OPEC, якое адбудзецца 5 чэрвеня ў Вене, піша «Інтэрфакс».
OPEC у лістападзе 2014 пастанавіла захаваць квоты 30 млн барэляў за дзень - узроўні, устаноўлены яшчэ ў 2011 годзе, нягледзячы на двухразовае падзенне сусветных коштаў нафты.
Апошнім разам OPEC скарачала квоты ў 2008 годзе, калі на фоне сусветнага фінансавага крызісу кошт нафты ўпаў ніжэй за $40 за барэль.