Банкі будуць перадаваць падаткавікам звесткі пра крэдыты беларусаў

Крэдытная гісторыя перастане быць банкаўскай таямніцай.

Гэта вынікае з пастановы Міністэрства падаткаў і збораў і Нацыянальнага банка, апублікаванага 12 траўня на Нацыянальным прававым інтэрнэт-партале.

«Вызначаны пералік звестак, што складаюць банкаўскую таямніцу фізічных асоб, якія могуць быць дадзеныя банкамі падатковым органам, - гаворыцца ў дакуменце. – Такі пункт змяшчаецца ў пастанове Міністэрства падаткаў і збораў Рэспублікі Беларусь і Праўлення Нацыянальнага банка Рэспублікі Беларусь ад 29 красавік 2015 №10/258.

Між іншым, пералік звестак, якія складаюць банкаўскую таямніцу фізічных асоб, што прадстаўляюцца банкамі, небанкаўскімі крэдытна-фінансавымі арганізацыямі падатковых органаў на падставе пагаднення, заключанага з Міністэрствам падаткаў і збораў Рэспублікі Беларусь, уключае звесткі, якія ўваходзяць у склад крэдытнай гісторыі, звесткі аб продажы замежнай валюты, плацежных дакументах у замежнай валюце за беларускія рублі».

Пастанова зарэгістраваная ў Нацыянальным рэестры прававых актаў Рэспублікі Беларусь 11 траўня 2015 года і ўваходзіць у дзеянне пасля яе афіцыйнага апублікавання.

Нагадаем, інфармацыя пра тое, што банкі раскажуць падатковай, колькі валюты купляюць беларусы, з'явілася летась. Адпаведная папраўка ў Падатковы кодэкс падрыхтаваная Міністэрствам фінансаў. А з 2011 года купіць валюту ў абменніку ў Беларусі можна толькі з пашпартам.