Паводле факта банкруцтва «Дэльта Банка» распачатыя дзве крымінальныя справы

Фінансавая міліцыя распачала дзве крымінальныя справы паводле прыкметаў наўмыснай эканамічнай неплацежаздольнасці і ўтойвання банкруцтва ЗАТ «Дэльта Банк».

Пра гэта паведамілі ў эфіры тэлеканала АНТ, паведамляе БелТА.

З 2012 да 2014 года «Дэльта Банк» размясціў у еўрапейскіх фінансавых установах $35 млн., якія прызначаліся для вяртання ўкладаў і налічэння адсоткаў па іх. Затым па ланцужку банкаўскіх аперацый грашовыя сродкі паступалі ў адрас замежнай кампаніі, якая знаходзіцца ў Белізе (афшорная дзяржава ў Цэнтральнай Амерыцы). Таксама высветлена, што банк не падаваў у Нацыянальны банк справаздачы аб распараджэнні актывамі, што прывяло да скажэння нарматываў бяспечнага функцыянавання фінансавай установы.

Высвятляюцца падазраваныя ў незаконных банкаўскіх аперацыях.

Як паведамлялася, з 12 сакавіка ў ЗАТ «Дэльта Банк» пастанова праўлення Нацыянальнага банка ўведзеная часовая адміністрацыя па кіраванні банкам. На перыяд яе дзеяння паўнамоцтвы праўлення ЗАТ «Дэльта Банк» былі прыпыненыя. Меры прынятыя на падставе аналізу паказчыкаў існай дзейнасці беларускага ЗАТ «Дэльта Банк» на фоне негатыўных падзей, якія адбываюцца ў АТ «Дэльта Банк» (Украіна), у тым ліку звязаных з прызнаннем яго неплацежаздольным.

Нацыянальны банк з 18 сакавіка адклікаў ліцэнзію ЗАТ «Дэльта Банк» на ажыццяўленне банкаўскай дзейнасці. Такая пастанова Нацбанка прынятая паводле вынікаў разгляду інфармацыі, атрыманай ад часовай адміністрацыі па кіраванні ЗАТ «Дэльта Банк», у сувязі з невыкананнем ім асобных ліцэнзійных патрабаванняў, а таксама стварэннем фінансавага становішча, якое пацягнула невыкананне банкам сваіх абавязанняў перад укладчыкамі і іншымі крэдыторамі.