Дырэктар «Магілёўсаюздруку» абкрадаў прадпрыемства
6- 14.05.2015, 12:13
- 20,096
Былы дырэктар ААТ «Магілёўсаюздрук» абвінавачваецца ў крадзяжы больш за 280 млн. рублёў з касы грамадства, выкарыстоўваючы сваё службовае становішча.
Як паведамляе БелТА са спасылкай на СК Магілёўскай вобласці, у перыяд з лютага 2014 да сакавіка 2015 дырэктар таварыства, з'яўляючыся службовай асобай, выкарыстоўваючы свае службовыя паўнамоцтвы, неаднаразова незаконна адбіраў з касы грамадства грашовыя сродкі, якія паступалі ў якасці выручкі ад рэалізацыі таварна-матэрыяльных каштоўнасцяў.
Названыя абставіны пацвярджаюцца вынікамі праведзеных следчых дзеянняў, а таксама актамі праверак, канфіскаваныя неабходныя фінансавыя дакументы, якія далучаныя да матэрыялаў крымінальнай справы. Ягоныя дзеянні кваліфікаваныя паводле ч. 4 арт. 210 Крымінальнага кодэкса (крадзеж шляхам злоўжывання службовымі паўнамоцтвамі ў асабліва буйных сумах).
Накладзены арышт на маёмасць абвінавачанага на суму звыш 21 млрд. рублёў. Прымененыя меры стрымання ў выглядзе ўзяцця пад варту.