Працоўны МАЗа: За месяц вырабляецца 450-500 адзінак тэхнікі, а прадаецца - 50-60

На МАЗе не выплачваюць заробак ужо два месяцы.

Пра гэта паведаміў чытач charter97.org.

«Магу пацвердзіць, што сапраўды на МАЗе затрымка выплаты заробку. Кіраўніцтва нашага аддзела параіла расцягваць ужо выдадзеную частку хоць бы на 3 тыдні. Гэта значыць, наступную частку выплацяць не раней, чым праз 3 тыдні. І яшчэ: стан такі, што ў месяц вырабляецца прыкладна 450-500 адзінак тэхнікі (грузавікі, аўтобусы і прычэпы), а рэалізацыя складае не больш чым 50-60 адзінак. Прычым рэальныя грошы за прадукцыю плацяць адзінкі пакупнікоў.

На прадпрыемствах, якія ўваходзяць у холдынг «Белаўтамаз» стан наогул бядотны. ДЭМЗ (Дзяржынск), КЗТШ (Жодзіна) не выплачвае заробак ужо больш за два месяцы, а стабільныя затрымкі ўжо больш за паўгода. На гэтым заводзе банк ужо апісаў маёмасць у якасці закладу, калі раней давалі крэдыт на заробак. Так што, «судзіна» лопнула. Эканоміка вярнулася ў стан, з якога зачасаны браў яе ў 1994 годзе. Заганнае кола непісьменнага кіравання бязроднага дыктатара замкнулася», - піша чытач.

Кіраўніцтва МАЗа каментаваць сітуацыю charter97.org адмовілася, аднак раней шматлікія супрацоўнікі завода паведамлялі аб праблемах на заводзе.

Нядаўна Лукашэнка наведаў прадпрыемства і на ім часова вярнулі пяцідзёнку.

Нагадаем, што з пачатку года МАЗ працуе чатыры дні на тыдзень. З 1 да 6 красавіка на прадпрыемстве была спыненая вытворчасць выпуску грузавікоў. Раней у двухтыднёвыя адпачынкі за свой кошт адпраўляліся работнікі аўтобуснай вытворчасці.

У сітуацыі прастояў працаўнікі завода атрымліваюць заробак сумай дзве трэція тарыфнай стаўкі. Паводле стану на пачатак красавіка заробак рабочых на МАЗе складаў 3-4 мільёны рублёў у працоўных-кантрактнікаў і да 6 мільёнаў у тых, хто працуе паводле дамовы.