Страты беларускіх прадпрыемстваў за год выраслі амаль удвая
2- 15.05.2015, 12:36
- 4,467
Сума чыстай страты прадпрыемстваў Беларусі ў сакавіку знізілася але ўсё роўна амаль удвая большая, чым за аналагічны перыяд мінулага года.
Колькасць стратных прадпрыемстваў і сумы стратаў у такіх прадпрыемстваў трохі знізіліся ў сакавіку гэтага года, паведамляе Белстат.
Сума чыстай страты стратных прадпрыемстваў Беларусі, якія ўлічваюцца ў гэтым парадку, за сакавік знізілася на 3,1 трлн. рублёў і 3 месяцы 2015 склала 9,191 трлн. рублёў, што ўсё роўна ў 1,95 разы больш, чым за аналагічны перыяд летась.
Паводле вынікаў 1-га квартала 2015 стратнымі апынуліся 1716 арганізацый, або 21,6% ад агульнай колькасці арганізацый, якія ўлічваюцца ў гэтым парадку (за 1 квартал 2014 - 1369 арганізацый, або 17,2%).
Да прадпрыемстваў, якія ўлічваюцца ў гэтым парадку, не належаць банкі, страхавыя, бюджэтныя, мікра- і малыя арганізацыі без устаноўчай падпарадкаванасці.
Сярод галін, лідарам у колькасці стратных арганізацый - 60,0% ад колькасці прадпрыемстваў у галіне - застаецца рыбаводства (рыбалоўства). На другім месцы з паказчыкам 31,0% стаіць прамысловасць.